Кој е првиот регистриран домен?

Symbolics.com е првиот домен кој е регистриран на интернет. Според оваа страница, таа е регистрирана пред 26 години на 15 март во 1985 година. Денеска дури 668.000 домени се регистрираат месечно во светот. Symbolics.com, која беше компанија што произведува компјутери (сега веќе поранешна компанија) од Масачусетс, го резервираше овој домен и потоа до продаде во 2009 година на компанијата XF.com Investments, за цена која не е објавена.

Според Business Insider, сопствениците на Symbolics.com сега велат дека ќе ја претворат оваа страница и овој  историски домен во веб сајт кој ќе се користи за подобрување на човештвото. Што е тоа, останува да се чека.

Symbolics.com е првиот регистриран домен од 200 милиони домени кои се регистрирани. Од овој број 100 милиони припаѓаат на  .com  домените.