Конечно откриено зошто Стив Џобс возел без регистарски таблички

Стив Џобс, неодамна починатиот основач на Apple, секогаш живеел во скромна куќа и бил нормален човек кој го променил светот со неговите брилијантни технолошки достигнувања.

Но, кога станува збор за неговиот автомобил, приказната е сосема поинаква. Џобс бил добро познат по честите паркирања на  места резервирани за хендикепирани лица, и секогаш го возел својот сребрен Мерцедес SL55 без регистарски таблички.

Всушност, Стив пронашол дупка во законот кој е на сила во Калифорнија, каде е дозволено да се вози нов автомобил без регистарски таблички цели шест месеци. Тој на пола година купувал на лизинг идентичен нов Мерцедес, и немал законска обврска да става регистарски таблички.

Исаксон, кој ја напишал биографијата за Стив Џобс, смета дека тој тоа го правел за да не можат да го пратат, но тоа никогаш не било потврдено од страна на Стив Џобс.