“Парамаунт” ќе започне со снимање на римејкот на „The Gambler“ од 1974 година каде главната улога му припадна на Леонардо ДиКаприо а режисерската столица на славниот Мартин Скорсезе. Сценариото за њујоршкиот професор по литература со коцкарски проблеми и долгови кај мафијата е напишано од сценаристот Вилијам Монахан, кој е автор и на сценариото за филмот „The Departed“, уште едно Скорсезе-ДиКаприо филмско остварување за кое Скорсезе добива оскар за најдобра режија.
Ова нема да е првиот римејк за ДиКапријо оваа година, тој неодамна заврши со снимањето на The Great Gatsby. Исто така нема да биде прв или втор проект во соработка со режисерот Скорсезе, всушност ова е нивна петта филмска соработка. Еден од предходните нивни заеднички проекти е филмот “The Aviator”, за кој ДиКаприо доби Златен глобус во 2004 година.