Малите гестови кои го пленат срцето…

Понекогаш не само зборот „те сакам“ може да ги докаже вистинските чувства. Единственото нешто што може да го плени срцето засекогаш се малите гестови.

Дури и да имате долгогодишна врска или тукушто започната романса, не заборавајте во секојдневието да вклучите мали изненадувања кои ќе ја докажуваат вашата љубов. Дами, пригответе вкусна вечера…само по престилка. Каков по добар начин за да му „кажете“ дека го сакате?

Еротските или љубовни смс-и се еден уникатен начин да поставите насмевка на лицето на саканиот и да го исполните со позитивна енергија. Залепете романтична белешка на ладилникот, што ќе му напомни на партнерот за вашата љубов кон него или напишете љубовна порака на огледалото во бањата без повод и причина – целта е да го натерате да се зарадува од фактот, дека тој присуствува во вашите мисли.

Има толку многу начини да ги покажете вашите вистински чувства и намери. Дури и само еднаш дневно да пишете смс на партнерот, еднаш месечно да му приредите некое изненадување, без повод или спонтано да си размените нежни зборови би допринеле гарантирано многу за вашата врска. Не заборавајте дека зборовите и делата се тесно поврзани и вистинските чувства не можат да бидат изразени без нив.