За време на летните одмори во Формула 1, адреналинскиот зависник Марк Вебер за прв пат во својот живот се обидел да вози хеликоптер. Пилотот на Ред Бул тимот во Салцбург минатата недела го презел во своите раце управувачот на хеликоптерот од приватната воздухопловна флота на Ред Бул тимот, која е во сопственост на основачот и сопственик на холдинг-компанијата Дитрих Матешиц.
Под будното око на членот на ескадрилата Рајнер Вилке, 35-годишниот Вебер со леснотија летнал во воздухот, и за кратко време направил и неколку акробации со леталото.
– За мене тоа беше уникатно искуство – изјавил љубителот на екстремни спортови, додавајќи:
– Прв пат се обидов да пилотирам. Овде имаме сосем различни принципи на управување отколку во Формула 1. Сепак, постојат и сличности: пилотирањето бара многу внимание и концентрација, но и дисциплина.