Медведев сака нов мандат, но не против Путин

Рускиот претседател Дмитри Медведев посакува нов мандат, но не против премиерот Владимир Путин.

“Сметам дека било кој челник кој извршува претседателски функции, мора да има желба да се кандидира повторно“, изјавил актуелниот руски шеф во разговор за британскиот весник “Фајненшнл Тајмс“.

Рускиот претседател нагласил дека на изборите не сака да му биде противник на Путин, својот претходник и актуелен премиер.

“Владимир Путин, мојот колега и стар пријател, и јас во целина ја претставуваме истата политичка сила“, изјавил Медведев.“Во тој контекст соперништвото меѓу нас би било лошо за мисијата и целите кои ги поставувавме во изминатите неколку години. Тоа не би било најдоброто сценарио за нашата земја“, заклучил Медведев.

Извор: Нетпрес