Меси: Никогаш во Реал Мадрид!

Напаѓачот на Барселона, Лео Меси тврди дека никогаш не би заиграл за Реал, како што тоа го направија Луис Фиго и Роналдо “Ел Феномено”. Лео Меси за “Ел Паис” изнесе неколку детали околу својот живот и објасни каде ја гледа својата иднина. “Ако некогаш заминам од Барселона, тоа би било само во Аргентина, каде и ќе ја завршам кариерата” изјави аргентиснкиот фудбалер. Потоа одлучно изјави дека никогаш нема да тргне по стапките на Луис Фиго и Роналдо. “Никогаш не би заиграл за Реал Мадрид. Среќен сум во Барселона. Ми оди многу добро и сакам да останам во Барса, се до враќањето во Аргентина” нагласи Лео. Меси моментално е во Буенос Аирес каде со својата национална селекција се подготвуваат за претстојната Копа Америка кој ќе започне на 1-ви јули.