Мира Марковиќ, сопругата на починатиот Слободан Милошевиќ, ангажирала тим на адвокати на чело со канадскиот адвокат Кристофер Блек, за да се утврди под кои околности починал во Хаг, поранешниот претседател на Југославија.
– Мира Марковиќ, ова не го прави за да добие надомест за штета, таа сака ОН, НАТО и Трибуналот да ја преземат одговорноста за смртта на нејзиниот сопруг. Таа би била среќна кога Трибуналот ќе признае дека одбивал корекно медицински да го третира нејзиниот починат сопруг, и дека тоа неодговорно однесување е причина за неговата смрт, изјавил Блек. Тој додал дека писмено ќе се обрати до претседателот на Трибуналот, обвинителот, холандската судска медицина, локалната полиција, но до Советот за безбедност.