Јапонската полиција и силите за цивилна заштита кои ги расчистуваат рушевините по разорниот земјотрес и цунамито во изминативе три месеци по овие природни катастрофи пронашле повеќе од 12 милиони долари.
Значителен дел од тие пари се наоѓале во домашните сефови, што ја олеснува потрагата по сопствениците на средствата. Луѓето често пати во сефовите чувале и важни документи, пред се’ оние кои потврдуваат сопственост над некој недвижен имот, куќи,станови или автомобили.
Без оглед на високиот степен на технолошки развој Земјата на изгрејсонцето, многу од нејзините жители, посебно постарите лица, по навика парите ги чуваат во “сламарици“, а не во банка.
До сега биле пронајдени 85 отсто од сопствениците на парите. Полицајците кои ги пронашле парите во една импровизирана просторија на огромни листови ги исправуваат и сушат.
Извор: Нетпрес