Португалскиот фудбалски судија Педро Проенка бил нападнат во Лисабон, а неговиот напаѓач набргу по нападот бил уапсен, објавиле медиумите во Португалија.
Според пишувањата на медиумите, Проенка бил удрен во главата додека шетал во трговскиот центар во Лисабон, и при ударот му биле скршени предните заби. Полицијата набргу го уапсила напаѓачот. Проенка има 40 години и тој е најдобро рангиран фудбалски судија во Португалија.
Проенка минатата сезона го водеше полуфиналето во Лигата на Шампионите помеѓу Манчестер Јунајтед и Шалке.