Најголемата кутија за пуканки на светот!!! Ќе „трае“ околу 1000 филмови…

На сите ни е познато дека најдобра комбинација со добар филм е голема кутија пуканки. Компаниите Цинеплекс и Авени Мал Осјек решија „да им оддадат чест“ на незаменливите пуканки со тоа што ја направија најголемата кутија за пуканки на светот, која влезе во Гинисовата Книга на рекорди.

Кутијата е висока неверојатни 5,37 метри, а широка е 2,5 х 3,5 метри и собира неверојатни 52.000 литри. Компанијата Цинеплекс се погрижи кутијата да не остане празна за големиот настан, па обезбеди дури 2,8 тони крцкави пуканки кои ја исполнија кутијата до врв.

Откако беа направени и официјалните мерења од страна на претставницте на Гинисовата книга на рекорди, пуканките беа поделени на посетителите на хрватскиот шопинг центар.