Најмалку 27 лица загинале, а неколку десетици се сметаат за исчезнати во одроните предизвикани од силните дождови на јужниот филипински остров Минданао.
“Одроните се забележани во селото Кингкинг, во близина на рудникот Компостела“, изјавила претседателката на локалната агенција за вонредни состојби Лиза Мазо, додавајќи дека шест лица со помали повреди биле пренесени во болница а спасувачките екипи трагаат по преживеани.
Пред две години, повеќе од 20 лица, вклучувајќи и деца, загинаа во одроните кои се случија во соседните острови на Минданао.
На жителите тогаш им беше наредено да ја напуштат областа околу рудникот Компостела поради честите случаи на одрони.
Извор: Нетпрес