Научници пронашле ген кој подмладува

Многу научници низ целиот свет со години се обидуваат да ја “уловат младоста”, но до сега тоа не им успеало. Но сепак, научници од САД, дошле до откритие на ген кој ги неутрализира ефектите на стареење во квасните клетки. Но, она што е уште поважно е тоа што успеале да ги откријат механизмите како тој ген функционира.

Тим научници предводен од страна на Анџелика Амон откриле дека за време на спорулација во квасните клетки дошло до експресија на генот наречен NDT80, што на квасните клетки им го дуплирал животниот век, било објавено во списанието Science.
Анџелика вели дека е многу важно што оваа студија открила метод кој може да ги подмлади клетките, и со понатамошна работа ќе се обидат истиот метод да го применат на човековите клетки.