Србите кои живеат во северниот дел на Косово нема да се откажат од блокадите на патиштата и нема да дозволат единиците на КФОР да се движат кон преминот Јариње и Брњак, изјавил шефот на косовско-митровачкиот округ Раденко Недељковиќ.
Недељковиќ изјавил дека жителите на северниот дел на Косово ќе продолжат со мирниот протест се додека има потреба за тоа.
“И покрај заканите на КФОР, дека ќе употреби сила доколку не се отстранат барикадите, ние и понатаму ќе протестираме се додека не се исполнат нашите законски и легитимни барања.
“Ние нема да дозволиме на единиците на КФОР да поминат преку барикадите. Со оглед на фактот дека тие имаат хеликоптери со кои редовно ги транспортираат цариниците од албанска националност, исто така ќе можат и преку воздух да ги снабдуваат и своите единици на Косово, изјавил Недељковиќ.