Од видео игрите расте апетитот?

Последното истражување спроведено во Канада покажало дека испитаниците внесуваат повеќе храна додека играат видео игрици, без оглед на тоа дали се гладни или не. Испитаниците биле тинејџери, дваесетина млади луѓе, кои прво седеле само во фотеља саат време, а покасно потрошиле еден лас на играње видео игри. За време на играњето игрици тие внесувале 80 калории повеќе, отколку кога не го правеле тоа. Иако бројката изгледа мала, докторот Жан Филип Сапут од истражувачкиот центар во Онтарио, рекол дека доколку внесувате само 50 калории повеќе дневно од што е потребно, за десет години тоа значи 28 килограми повеќе. Во реалниот свет овие бројки се поголеми, бидејќи сите гејмери повеќе консумираат храна додека играат. Докторот предупредува и дека не се загрозени само гејмерите, туку сите седечки активности, како што е гледањето телевизија, работењето на компјутер и слично.