Наместо да трошите многу пари на скапи козметички препарати, еве ви неколку ефтини, но ефикасни средства кои ќе ви помогнат да имате блескава кожа:
Едноставна нега – Направете негата на вашата кожат да биде едноставна, нека се состои од утринска и вечерна рутина. Секоја вечер чистете го лицето и нанесете ноќна крема или пак некоја маска. Наутро доволно е да се измие лицето со топла вода и да се нанесе дневна крема со заштитен фактор.
Подгответе се за излегување надвор – Сакате да се освежите вашата кожа пред излегување? Обидете се со овој трик: Земете парче газа, намокрете го со минерална вода и добро истријте го челото, областа околу очите и носот. Ова се нарекува сунѓер техника, бидејќи кога ќе ги притиснете порите на кожата тие се отвараат и ја апсорвираат влажноста од газата.
Отстранување на шминка – Изберете средство кое одговара на вашата кожа и може да ја отстрани и најтврдокорната шминка. Никогаш не си легнувајте без да ја отстраните шминката.
Банана – една банана на ден ќе ви ја даде потребната дневна доза на калиум и магнезиум, кои на вашата кожа ќе и дадат прекрасен сјај. Покрај тоа, може да направите маска од банана и ленено семе која ја храни и негува кожата.
Пилинг – Не ви се потребни посебни алатки за пилинг. Користете мека крпа навлажнета со топла вода, а потоа обврзно нанесете хидратантна крема.
Акни– Доколку имате проблем со акните, направете маска од 100 грама тиква и две лажици мед и оставете ја да делува 15тина минути.
Потечени очи – Ако имате проблем со кожата околу очите, ставете ладни искористени кесички од чај на очните капаци и држете ги десет минути. Наместо ќесички чај, истиот ефект ќе го постигнете и со парчиња краставица.
Негувани усни – Ветерот и студот може да предизвикаат вашите усни да изгледаат суви и испукани. Направете микс од 2 лажици кокосово масло и малку вазелин со лажичка шеќер и втријте го на усните. Можете да додадете малку мед кој ќе им помогне на пукнатините да зараснат.