Откриен редок отисок на диносаурус долг 150 метри

Француските палеонтолози во областа Јура ја откриле до сега најдолгата пронајдена серија на отисоци на диносауруси, пренесуваат француските медии. Група француски палеонтолози со Жан-Мижел Мазен на чело, на локалитетот на масивот Јура во селото Плањ ги открила до сега најдолгите серија оттисоци кои припаѓаат на ист диносаурус во должина од 150 метри.

Досегашниот рекорд изнесува 147,5 метри и е пронајден во Португалија. „Ова е важно откритие бидејќи сега можеме подобро да го сватиме движењето на овие четвороношци од 40-50 тона“, објаснува Мазен.

На овој локалитет група на геолози со Патрис Ландиј на чело во 2009 год. веќе открила голем број на оттисоци на диносауруси, што значи дека се работи за некогаш омилено место за состанок на овие џиновски суштества.