Откриени првите детали околу филмот „Хобит“

Режисерот на култната филмска трилогија „Господарот на прстените“,Питер Џексон кој го режира и филмот „Хобит“ ги откри првите детали околу неговиот најнов проект, чија премиера е закажана за декември 2012 година.

Обожавателите на фантастичниот свет на Middle Еart имаат можност да видат на кој начин е изведена екранизацијата на популарната приказна со користење на 3Д технологија.

Всушност филмот „Хобит“ е посветен на настаните кои се случуваат непосредно пред војната за прстенот, која е прикажана во „Господарот на прстените“. Автор на книгите според кои се снимани овие филмови е познатиот професор од Оксворд, Џ.Р.Р. Толкин.

Џексон планира и второ продолжение на филмот, кое ќе биде наречено „Хобит: Таму и повторно назад“, чија премиера се предвидува за декември 2013 година.

Погледнете дел од деталите кои беа објавени: