Пепси-шише направено од билни суровини

Американската компанија за производство на безалкохолни пијалоци “Пепси”, за почетокот на 2012 год спрема ново шише. Имено се работи за “зелено шише” кое ќе биде направено од коноп, кора и листови од четинари и ќе може да се рециклира во целост. Во иднина за производството на шишето може да бидат употребени и кората од портокал, компир и лушпа од овес. Шишето ќе биде на изглед исто како и претходно пластично, но ќе биде направено од стотојки кои може да се рециклираат, а со тоа ќе се направи нешто за да не се загадува животната средина.

До сега “Кока Кола” има направено “билно шише”, кое сега за сега е застапено околу 30% во пакувањето на овој пијалок, а се прават напори за во иднина овој процент да се зголеми многу повеќе.