Пиратите од Карибите: Најголем светски хит за оваа година

Четвртиот дел од продолжението на авантурата “Пиратите од Карибите“, за само 12 дена прикажување заработил повеќе од 600 милиони долари на кино благајните ширум светот, со што дојде до врвот на филмската листа за оваа година.

Филмот го повтори успехот на предходното продолжение од 2007 година.

Пиратите од Карибите “На чудни плими“ засега бележи подобри резултати во светот каде има заработено повеке од 483 милиони долари, отколку во САД каде инкасирал 165 милиони долари.

Филмското продолжение со Џони Деп и Пенелопе Круз  во главните улоги, посебно добро котирал во земјите како Русија, Кина и Бразил.

Најновото продолжение на пиратските авантури претставува и најголем успех на Дизни кој е остварен во Русија и Кина.