Две непознати лица претепале вработен во руска амбасада, вчера вечер на улицата “Душко Брајковски“ во Скопје.
Вчера, околу 22 часот на улицата “Душко Бојковски“ од страна на две, засега, непознати лица физички е нападнато лице, вработен како Советник во амбасадата на Русија.
Имено, додека одел пеш по улицата, се разминал со автомобил од непозната марка, зелена боја и се удрил во ретровизорот од истото, при што од возилото излегле две машки лица и физички го нападнале, при што му нанеле тешки телесни повреди, и тоа фрактура на нос, напукната вилица, расечена горна усна и фрактура на јаболчница.
По настанот на повредениот му е укажана лекарска помош во Ургентен центар-Скопје.
Полицијата презема мерки за пронаоѓање на сторителите и возилото.
Извор: Нетпресс