Пронајдени коски од питомо куче стари 9400 години

За време на едно истражување во Хиндс пештерите, големо археолошко наоѓалиште во југозападен Тексас во близина на Мексиканската граница, истражувачот Семјуел Белкнап, пронајде череп од куче кое смета дека е стар 9400 години. Со ова пронаоѓање тој потврдува еден нов факт, а тоа е дека припитомени кучиња имало уште многу порано од она што до сега се веруваше. До сега се претпоставуваше дека египќаните биле први кои припитомиле куче, а тоа се случило пред три илјади години пред новата ера, или пред 5 милениума. Според Белкнап, ова е најстарото питомо куче во историјата на Северна Америка.