Проверен рецепт за намалување на маснотиите на струкот

Според експертите, многу зеленчуци, овошја и мешунки можат да помогнат во намалување на таканаречените висцерални или стомачни маснотии, поради високото количество на растворливи растителни влакна.

Научниците ангажирале повеќе од илјада доброволци од двата пола и различна возраст, на кои им биле препишани различни исхрани што се разликувале од нивната вообичаена исхрана. Една од водечките експерти, заедно со своите колеги забележала дека зголемувањето на дневното внесување на растворливи влакна резултирало со намалување на стомачните масти за 3,7 проценти, во период од повеќе од пет години, колку што и траело истражувањето.

Покрај тоа, стапката на акумулација на стомачните масти во ист временски период се намалила во просек за 7,4 проценти помеѓу доброволците.

Нивната препорака гласи: секој ден јадете две мали јаболка, една шолја грашок и половина шолја грав. Освен тоа, треба активно да се вклучите во спортски активности околу 30 минути, најмалку двапати неделно.

Според експертите, големата количина на стомачни масти значајно го зголемува ризикот од болести како што се дијабетис, замастен црн дроб и хипертензија.