Првиот состанок – без право на грешки!

Сите се единодушни дека првиот состанок е најважен! И мажите и жените сакаат да бидат неодоливи. И се разбира да не дозволат никакви грешки, но сепак ги прават.

Замислете една жена да отиде на првиот состанок несредена, со лоша фризура, несреден маникир…Дури и да сте најголемата интелектуалка во светот, тоа не е никакво оправдување. Причината поради која ве поканил еден маж на состанок не е за да му читате сонати од Шекспир, нели? Затоа дајте максимум од себе и бидете навистина неоодолива, женствена, прекрасна!

Друга капитална грешка е кога таа нема да затвори уста цела вечер. Никој не би издржал влубено да слуша безкраен монолог и не мислете дека вашиот живот е епопеа која може да стане бестселер.  Поверувајте, секој си има своја историја и ако навистина сакате да го заинтересирате, кажете за себе сосема малку.

Голема грешка е и претерана срамежливост. Вистина е дека ова го има и кај двата пола, но се што е претерано е досадно!