Исчистете ги морските плодови, исечете ги сипите на лентички, а октоподот на парченца. Настрана, во мошне солена вода (која треба да ја сочувате), сварете ги школките да се отворат. Во тава со поголемо количество масло за готвење, пропржете лук, а откако ќе порумени, извадете го на старана. Потоа во истата тава ставете ги октоподот и сипите. По неколку минути додате ги опашките од раковите, а кога ќе поруменат прелијте ги со вино, па на крајот додадете ги школките. Кога виното речиси ќе испари, ставете го оризот, па кога добро ќе поприми од вкусот на морските плодови, прелијте го со водата во која сте ги вареле школките и зачинете ги со сол и бибер. Мешајте постојано се додека оризот не се свари.
Подготовка 1 час.
Потребни состојки:
400 гр ориз
500 гр сипа и октопод
500 гр школки
200 гр излупени опашки од ракчиња
2 чешниња лук
1 чаша бело вино
маслиново масло
бибер
сол