САД се повлекоа од воената операција во Либија

Вооружените сили на САД се повлекоа од своето непосредно учество во воената операција во Либија и задолженијата за финализирање на мисијата ги префрлија на Велика Британија, Франција и останатите земји сојузнички на НАТО, објави РИА “Новости“, повикувајќи се на информација од Пентагон пренесува Нетпрес.

Од денеска воено-воздушните сили на САД престануваат со воените напади врз целите во Либија. Американските воени бродови и подморници, стационирани во Средоземното море, ќе престанат да истрелуваат ракети од типот “томахавк“.

Американската воена команда одлучи засега да не ги повлекува своите морнарички единици од зоната на операција, во случај на останатите земји учеснички во операцијата да им биде потребна воена помош.

Извор: Нетпрес