Сахин и официално е нов играч на Реал Мадрид!

Ново засилување на Реал Мадрид и играчот од средниот ред на Борусија Дортмунд, Нури Сахин! Тој денеска потврди дека со шпанскиот великан ги договорил условите и се радува на соработката со тренерот Мурињо. “Многу сум горд на овој чекор. Беше многу тешко. Јас сум голем фан на Дортмунд и тоа и ќе останам. Ќе ми недостасува Борусија и Бундеслигата. Сакам да им се заблагодарам на сите” порача Сахин на конференцијата за новинарите и додаде. “Жозе ќе ме однесе на следното ниво. Немаше многу клубови кој беа во оптек за мене, бидејќи Дортмунд е толку посебен. Тешко ми е на мојот тим да му кажам збогум, тие се во моето срце. Сите во тој клуб, даваат се едни за други” изјави во солзи 22-годишниот Нури Сахин. Во Реал ќе заработува годишна плата од 2,5 милиони евра. Тој во Дортмунд помина дури 11 години.