Извлечен машки труп од Вардар кај Злокуќани

Од водите на реката Вардар во скопското село Злокуќани вчеравечер е извлечен машки труп со видливи траги од повреди нанесени со остар предмет, соопшти полицијата.

По извршениот увид, полицијата констатирала дека се работи за Реџеп Л. (42) од скопското село Шишево, кој минатиот месец бил пријавен како исчезнат.

По наредба на Истражен судија телото на починатиот е дадено на обдукција, при што е констатирано дека истиот имал задобиено повеќе повреди по телото нанесени со остар предмет.

Полицијата превзема мерки за расчистување на случајот.

Извор: Нетпрес