Се ожени Ноел Галагер

Поранешниот член на Oasis го кажа судбоносното “да”, но помеѓу присутните гости не бил неговиот брат Лијам.

Гитаристот и автор на повеќето песни на групата Oasis, Ноел Галагер, 44, се венчаше со долгогодишната партнерка Сара Мекдоналд. Тие се запознале пред единаесет години, а од тогаш започнала и нивната врска. Имаат две деца, три годишниот Донован и Сонија која е родена минатиот октомври.

По многу години тие се одлучиле да застанат пред олтарот. На свадбената церемонија имало присутно многу гости, но помеѓу нив не бил неговиот брат Лијам.

Освен кавгите кои тие ги имале како членови на бендот, и приватно не биле во добри односи. Исто така и Лијам не го повикал својот брат на свадбата која ја правел.