Шест играчи во борба за престижното признание

Познати се имињата на фудбалерите кои ќе се борат за престижното признание Играч на годината во Премиер лигата, а кое секоја година го доделува Здружението на професионални фудбалери.

За ова признание ќе се борат Немања Видиќ (Манчестер Јунајтед), Самир Насри (Арсенал), Карлос Тевез (Манчестер Сити), Герет Бејл (Тотенхем), Скот Паркер (Вест Хем) и изненадувањето сезонава, сјајниот Чарли Адам (Блекупул). Наградата претходните четири години одеше во рацете на фудбалерите на Јунајтед и тоа Кристијано Роналд0 (2007, 2008), Рајан Гигс и Вејн Руни.

Гласањето е тајно, учествуваат сите 4.000 членови на здружението од Англија и Велс, а секој ќе мора да избере двајца колеги за кои ќе гласа. Свеченото доделување на наградите е на гала вечер закажана за 17. април.

Извор: Нетпрес