Шкендија во Белград без свои навивачи

Дуелот од вториот круг на квалификациите за Лигата на Шампионите помеѓу Партизан од Белград и Шкендија од Тетово, најверојатно ќе се одигра без организирано доаѓање на гостинските навивачи.
УЕФА донела одлука да им се забрани на “гробарите” и “балистите” да не доаѓаат во Скопје и Белград, со цел да се избегнат можни инциденти.
Дуелот помеѓу Партизан и Шкендија е прогласен за натпревар со висок ризик, бидејќи навивачите на двата тима имаат “лоша репутација” во УЕФА.
Првиот натпревар од вториот круг на квалификациите за Лигата на Шампионите помеѓу Партизани и Шкендија е закажан на 13 јули во Белград, додека реваншот ќе се игра седум дена подоцна во Скопје.