Шокантни фотографии на цигарите во Австралија
9 април, 20110
Австралија одлучи дефинитивно да ги одвикне пушачите во земјата од оваа лоша навика. Министерката за здравје, Никол Роксон го претставила нацрт-законот со кој што се предвидува на кутиите цигари да се објават само фотографии со можните последици од пушењето, уста со пликови и рани, расипани заби, болни и бледи луѓе.
Доколку биде усвоен, законот треба да стапи на сила во 2012 година. Маркетинг стратегијата од идната година ќе биде под слоганот “Смрт наместо гламур“. Тоа значи дека на кутиите цигари нема да смее да се печати марката на цигарите, логото на произведувачите, бои и рекламни текстови, туку само шокантни фотографии со можните последици од пушењето. Според зборовите на австралискиот премиер, во Австралија од пушење годишно умираат 15,000 луѓе, а отсуството од работа и здравствените трошоци ја чинат државата 22 милијарди евра.
Извор: Нетпрес