Станковиќ: Купот е многу важен за нас

Играчот од средниот ред на Интер, Дејан Станковиќ ги повика својте соиграчи да излезат од сивилото кое ги зафати на последните неколку натпревари и да се борат до крајот во Серија А и во купот на Италија. “Црно-сините” се во резултатска криза и се осум бода зад главниот ривал за титулата Милан, а денеска ги очекува првиот полуфинален дуел од Купот на Италија против Рома. Станковиќ е убеден дека може да се спаси сезоната со освојување на овој трофеј. “Тим како нас кој е навикнат да победува, мора да освојува трофеи. Купот е важен за нас. Немавме среќа во овој неповолен период за нас во последните две недели. Не можеме да одречеме дека поминуваме тешки моменти, но имаме доста искуство и знаеме како да се извлечеме од ова” изјави Станковиќ. Првиот полуфинален натпревар се игра вечерва во Рим. Во второто полуфинале се среќаваат Милан и Палермо, но тој дуел се игра утре. Реваншите се закажани за 10-ти и 11-ти Mај.

Извор: Нетпрес