Старо за ново на Амазон

Амазон објави дека ќе ја прошири својата програма на замена. Корисниците од сега може да ги испраќаат своите искористени мобилни телефони, МР3 плеери, камери и други уреди, без оглед на тоа каде се купени, а за возврат ќе добијат подарок картичка.

Износот кои ќе го добиваат зависи од состојбата на уредите, но и од типот на самиот уред. По приемот на уредите и утврдувањето на нивната состојба, парите се појавуваат на сметката на корисникот на Амазон во рок од 48 часа, а доколку се испостави дека сумата не одговара на корисникот, уредите се враќаат во рок од две недели, без дополнителни трошоци за корисниците.