Таинствени пораки во поле

Во едно поле во близина на руското место Краснодар се појавил до сега невиден “цртеж“, наводно со вонземско потекло. Авторот и значењето се непознати. Сепак, експертите велат дека е многу тешко да се замисли дека необичните структури во полето се направени од луѓе. За разлика од досегашните симетрични облици кои во полињата наводно ги оставаа посетителите од другите планети, во руското поле забележана е сосема нова глетка.

Стеблата се поставени во асиметрични форми, но ниту едно од нив не е скршено или оштетено. Чудниот натпис како да е направен на лист хартија, бидејќи е оквирен во правоаголното поле.

Но, интересните облици не наликуваат на ниту едно познато писмо, па затоа се поставува прашањето како сето тоа да се протолкува и интерпретира пред јавноста. Една од теориите е дека станува збор за звучен запис.

Некои ентузијасти кои се занимаваат со толкување на знаци, за ова поле тврдат дека знаците претворени во звучни записи обликувале шум кој сам во себе имал клуч за откривање  на оваа мистерија.

За што всушност станува збор, обидете се да процените сами од видеото кое ви го пренесуваме:

http://www.youtube.com/watch?v=U23-1-HxiC0&feature=player_embedded