Тевез посака да си замине
Голгетерот на Манчестер Сити, Карлос Тевез изрази јасна желба да си замине од ‘Истлендс’, објави таблоидот “Сан”. “Сакам да го напуштам Манчестер Сити. Фудбалот за мене многу се промени и не знам дали ќе издржам до следното Светско првенство. Многу добро се однесуваат тука со мене и благодарен сум им, а и јас дадов се за клубот за да се постигнат овие резултати. Сепак, потребна ми е промена”, категоричен е Тевез. Аргентинецот делуваше среќно по пласманот во Лигата на Шампионите и освојувањето на ФА купот и се провлекуваа информации дека ќе остане. Но по вчерашната изјава на штрек се заинтересираните екипи за него Интер, Реал Мадрид и Челси. “Да се вратам во Бока Јуниорс би било навистина прекрасно, но тоа е тешко изводливо. Тие немаат доволно финансии за да го откупат мојот договор”, смета Тевез, кој сезонава постигна 21 гол во Премиер лигата и се наоѓа на делба на првото место на листата на стрелци заедно со Димитар Бербатов од Манчестер Јунајтед.