Тројца Македонци загинаа во сообраќајка кај Нова Градишка

Тројца македонски државјани загинале во сообраќајна несреќа која се случила утрово околу 4:30 на патот Загреб-Липовац близу до Нова Градишка, јавува хрватската телевизија.
Според информациите од хрватската полиција загинатите биле Македонци кои се враќале дома. Тројцата биле на возраст од 32, 35 и 49 години.
Во сообраќајката тешко се повредени 40 годишниот возач и 27 годишниот совозач.
Според информациите од славонската полиција, првични претпоставки се дека до тешката сообраќајна несреќа дошло поради умор на возачот, зашто автомобилот излетал од автопатот.