Уапсена српска нарко банда во Бразил

Бразилската полиција соопшти дека уапсила 17 лица, најмногу Срби, обвинети дека се дел од меѓународна организација за шверц на дрога.
Лидерот на групата, уапсен на први мај, е еден од петте најбарани криминалци во Србија и наскоро ќе биде екстрадиран, соопштила полицијата.
Истрагата на федералната полиција на Бразил траела две години. Запленети се 620 килограми кокаин вреден околу 846 илјади евра.
“Припадниците на организацијата се барани на меѓународно ниво поради својата опасна природа и поради злосторства поврзани со дрога“, се наведува во соопштението.
Бандата делувала во сојузните бразилски држави Сао Паоло и Еспирито Санто, Парана, Амазонас, Пара и Рондониа и во бразилскиот дел на Амазонија.

Извор: Нетпрес