УЈП ќе отпочне присилна наплата за неплаќачите на радиодифузна такса

Управата за јавни приходи апелира обврзниците за радиодифузна такса кои не извршиле плаќање на јавната давачка во законскиот рок, истото да го сторат во најкусо време, бидејќи даночната администрација ќе отпочне со присилна наплата на нивните долгови.
“Потсетуваме дека плаќањето на радиодифузната такса се врши најдоцна до 15-ти во месецот за претходниот месец (пр. радиодифузната такса за месец Јуни треба да се плати до 15-ти Јули), а во случај на задоцнето плаќање надвор од законскиот рок, се пресметува камата од 0,03 отсто и тоа за секој ден задоцнување“, се вели во соопштението на УЈП.
Со цел олеснување на плаќањето на РДТ, граѓаните и фирмите можат по сопствено изјаснување да извршат плаќање на радиодифузната такса за повеќе месеци, односно за цела календарска година или пак да вршат плаќање со траен налог за што треба да потпишат договор со носителот на платниот промет, односно банката.

Извор: Нетпресс