Американската актерка и пејачка Хилари Даф и нејзиниот сопруг, хокеј играчот Мајк Комри, го очекуваат нивното прво дете.
Даф оваа новост ја објави на својот веб-сајт, како и веста дека таа и Комри ја прославуваат првата годишнина.
“Сакаме да споделиме возбудлива новост со вас. Наскоро ќе бидеме тројца”, пишува актерката на нејзиниот веб-сајт. “Многу сме среќни и подготвени сме да започнеме ново поглавје во нашите животи.”
Неколку дена пред да потврди дека е бремена, Даф изјави за едно американско списание дека таа и нејзиниот сопруг многу сакаат деца.
Хилари Даф (23) и канадскиот хокеј играч Мајк Комри (30) се венчаа на 14 август минатата година на ранч во Санта Барбара.