Веста дека српската фолк пејачка Светлана Цеца Ражнатовиќ побарала црногорско државјанство е првоаприлска шега на црногорскиот весник “Вијести.
Весникот констатира дека 1. Април е “убав и заради тоа што многу незгодни вести не би требало да се вистина“.
Во објавениот текст потпишан од П. Травањ, а чии наводи ги пренесоа бројни медиуми, е цитирана и изјава на заменик министерот за внатрешни работи, Осман Шубашиќ кој наводно ја потврди веста дека Цеца побарала црногорски пасош.
Шубашиќ, за агенцијата “Бета“, не сакал да ја коментира првоаприлската шега на весникот.
“Немам коментар. Од утрово телефонот непрекинато ми ѕвони“, рекол Шубашиќ.
Извор: Нетпрес