ВИДЕО: Изнервиран Кинез турнал самоубиец од мост

Пензиониран кинески војник, се искачил на мост од каде негов сограѓанин сакал да се самоубие и го турнал. Лиан Јианшенг, (66) револтиран бидејќи цели пет часа чекал во својот автомобил поради полициската блокада на мостот во градот Гуангжоу, предизвикана од Чен Фучао, кој се заканувал дека ќе се самоубие.

Јианшенг успеал да ја пробие полициската барикада и да се искачи на мостот. Тој додшол до Фучао и го турнал. Овој паднал на полунадуван душек, кој го поставиле спасуваките екипи. По ова кинеската полиција го притворила шеесет и шестгдишниот пензионер.

“Го турнав бидејќи таквите како Фучао се многу себични. Нивните постапки им штетат на јавните интереси. Немаат никаква намера да се убијат, туку само сакаат да привлечат внимание“, рекол Лиан.

http://www.youtube.com/watch?v=OsSL8MRbKZA&feature=player_embedded

Фучао од падот имал лесни повреди, а наводно сакал да се самоубие бидејќи имал големи долгови, откако му пропаднал проект вреден 239.200 американски долари.

Извор: Нетпрес