Дваесет и три годишен Бразилец, Велингтон де Оливиера во основното училиште “Тасо да Силвеира“ во Рио де Жанеиро убил најмалку 12 деца, а според некои медиуми ранил 22, а потоа бил убиен од страна на полицијата. Очевидци тврдат дека испукал повеќе од 100 куршуми.
“Имаше крвопролевање, беше ужасно“, рекол татко на ученик кој бил во училиштето во моментот на масакарот.
Во претходните написи на бразилските медиуми се зборувало за 13 мртви, вклучувајќи го и напаѓачот, но медиумските препоставки конечно со службена изјава за “Си-Ен-Ен“ го потврдило бразилското министерство за здравство, кое објаснило дека де Оливиера не се самоубил, туку него го убила полицијата.
Сите убиени деца се на возраст од 11 до 14 години. Меѓу ранетите има 12 момчиња и шест девојчиња. Најмалку едно дете е во критична состојба откако е погодено со куршум во главата.
Извор: Нетпрес