Вилијам и Кејт донираа два милиони евра во хуманитарни цели

Принцот Вилијам и принцезата Кејт го одржаа ветувањето кое го дадоа пред венчавката дека сите свои подароци ќе ги дадат во хуманитарни цели.
Вилијам и Кејт пред венчавката основаа хуманитарен фонд, за нивните гости наместо подароци,  да можат да донираат пари.
Во меѓувреме, во фондот се собрале околу два милиони евра кои Вилијам и Кејт сега планираат да ги дадат на оние на кои им се најпотребни.
Тие одбрале 26 организации за кои сметале дека средствата им се најпотребни, а некои од нив ќе ги посетат и за време на турнејата низ Канада, додека другите се лоцирани во Австралија и Нов Зеланд.
Вилијам и Кејт преку официјално соопштение се заблагодарија на сите кои им го разубавиле венчавањето со тоа што донирале пари за нивниот фонд.

Извор: Нетпрес