Вкусни кифлички со козјо сирење

Потребни состојки:

500 мл. млеко

2 лажички сол

1 лажичка шеќер

150 мл. масло за јадење

1 лажичка оцет

1 коцка квасец

1 кг. Брашно

200 гр. козјо сирење

50 гр. маргарин

2 јајца

Припрема:

Загрејте го млекото на оган со шеќерот, оцетот и маслото, па додадете го квасецот и промешајте се додека квасецот не се стопи. Потоа додадете го брашното и измесете го тестото, па оставете го да отстои 20тина минути и поделете го на шест дела.

Откако ќе стаса тестото, од секој дел расукајте по една кора и исечете ја на осум дела. Во посебен сад разматете го издробеното козјо сирење со јајцата, па врз секој дел ставете една лажичка од смесата и свиткајте ја кифлата. Ставете ги кифлите во намрсена тава и секоја кифличка намачкајте ја со растопениот маргарин.

Печете во загреана рерна на температура од 220 степени околу 30тина минути, односно се додека кифличките не добијат златно румена боја. Добар апетит!