Дека на денот на кралската венчавка се ќе биде на продажба говори и идејата на Џејмс Ват, кој планира да организира собирање на воздух на свадбата на Кејт и Вилијам, со цел да се продава во шишиња.
Кралската венчавка веќе предизвика појава на многу бизарни сувенири за овој настан, така што флаширањето на воздухот е само уште еден изум во низата. Џејмс Ват кои инаку е водител на радио, додал дека за собирање на воздухот ќе ангажира професионалци и дека тој производ ќе има голема колекционерска вредност. Според неговите зборови “Кралскиот воздух“ ќе биде некој вид на редок шампањ, кој можете да го понудите само како здив на некои специјални гости. Воздухот од кралската венчавка ќе им биде на располагање на сите оние кои ќе го купат и години понатаму по кралската венчавка, тврдат од компанијата Vat UK, која инаку се занимава со производство и флаширање.