Пејачката Адел престанала да јаде брза храна и почнала да вежба со цел да го подобри својот изглед.
Извор близок до пејачката тврди дека Адел, која често зборувала дека се чувствува “удобно во својата кожа”, конечно подлегна на притисокот од јавноста поради килограмите и сфатила дека мора да ослабне и да поработи на подобрување на својот изглед.
Во изјавата на британскиот таблоид “Стар”, истиот извор навел дека по операцијата на гласните жици, Адел одлучила да живее поздраво, бидејќи лекарите и препорачале да престане да јаде нездрава храна и повеќе да вежба, што ќе и даде повеќе сила и ќе и го зајакне гласот.
Сопственикот на издавачката куќа “XL”, за која Адел објавува, Ричард Расел во мај изјавил дека денешната поп сцена е преполна со изведувачи кои се “досадни, нападни, ниту малку оригинални и играат на сексапил”, што не е случај со Адел.
Албумот на Адел “21” неодамна е прогласен за најпродаван во САД во 2011 година.