Веќе ја знаете старата добро позната приказна! Еден од најпознатите фудбалер, Дејвид Бекам, има проблеми со наоѓање на пријатели. Поранешниот играч на Манчестер Јунајтед, кој се пресели во Холивуд, бидејќи почна да игра за LA Galaxy, изјави дека има само тројца пријатели. Но, неговото семејство му е доволно и најважно, додаде тој.
“Јас имам сопруга. Имам четири деца. Имам родители, баба и дедо и тројца навистина добри пријатели. Тоа е сè што ми треба. Подобро ми е да имам тројца блиски пријатели отколку 20 добри”, рече тој.
Иако не изјави кои лица спаѓаат во неговата листа на најдобри пријатели, сепак многу време поминува со Том Круз, кој живее со своето семејство во неговата населба. Освен него, Дејвид бил близок со Гери Невил, со кого играше во Манчестер и кој му беше кум на свадбата.
Кога е во посета на Велика Британија, Дејвид се дружи со комичарот Џејмс Корден и принцовите Вилијам и Хари.