Деми Мур не му дава развод на Ештон Качер!

Иако помина една година откако тие објавија дека ќе се разведуваат, се чини дека уште некое време ќе бидат во брак, барем на хартија.

Актерката Деми Мур (50) е љубоморна што Ештон Качер (34) е во среќна врска со Мила Кунис (29). Двојката сакаат да се венчаат, но не можат бидејќи Мур не сака да се разведе.

„Деми го мрази Ештон. Поради него се изгладнуваше за да има совршена линија. Поради него ги запостави и ќерките, па не е ни чудно да полуди кога ќе се спомне неговото име“, вели пријател на актерката.

Тој открил и дека Ештон со месеци ја моли Деми да го потпише разводот, но таа одбива зошто не сака да бидат среќни заедно.