Диетата на Ким Протасов – најдобрата до сега

Диетата трае пет седмици. Првата и втората седмица се јаде суров зеленчук. Дозволено е сирење и кисело млеко со ниска масленост и едно варено јајце. Три зелени јаболки, овесни јатки со јогурт наутро, кафе, чај, вода најмалку 2 литри на ден. И тоа е се! Во неограничена количина и по секое време на денот. Можеби гледате со недоверба, но ве уверувам дека диетата е проверена и делува!

Третата, четвртата и петтата седмица од диетата на Протасов – се  е исто, плус парче месо, пилешко и риба. Намалување на сирењето и киселото млеко.

Да не се ограничува количината на храна е многу добро од психолошка гледна точка. А поради недостатокот од јаглехидрати во исхраната се нормализира функцијата на панкреасот и се намалува апетитот. Како што гледате диетата се сведува основно на протеини и зеленчук и овошје, кои овозможуваат да не дојде до загуба на мускулната маса и намалување на имунитетот и истовремено учествуваат во процесот на ефективно согорување на масните наслаги наталожени во организмот. Повеќето диети најпрво делуваат на загуба на мускулната маса, што не е она што би сакале да го добиете и од естетски и од здравствени причини. Често ова го велам, но еве повторно ќе кажам – Здравјето нека ви биде пред се! А ако веќе се одлучите за диета, таа нека биде проверена како оваа.